Ամեն օր երկար քայլում եմ քաղաքում կամ մեքենայով տարբեր ընկերություններ գնում: Ու ամեն օր տեսնում եմ այն գովազդային վահանակները, ուր Orange-ի գովազդներն են տեղադրավծ: Երևի բոլորդ էլ տեսած կլինեք այս կարգախոսը` “ամեն ինչ փոխադարձ է” ու այն անիմացիոն կերպարներին, որ կան այդ վահանակի վրա: Մի ժպտերես աղջիկ ցնցուղով ջրում է մի ուրիշ ժպտերես փոքրիկի: 
Հետաքրքիր կերպարներ են, չէ? Ու ոչ միայն այդ գովազդում են նրանք երևում, այլ Orange-ի բազմաթիվ այլ գովազդային նյութերում: Ու ամեն անգամ ինձ հետաքրքրում էր, թե ով է այդ կերպարների հեղինակը? Որքան էլ փորձում էի հետաքրքրվել, համացանցով գտնել, չէր ստացվում: Ու վերջերս գտա մի հուշում, որ ինձ օգնեց գտնել այդ մարդուն: Orange-ի վահանակներին հեռվից նայելուց դա իհարկե չի զգացվում, քանի որ շատ փոքր է գրված, բայց եթե հենց անմիջապես վահանակի տակ կանգնեք ու նայեք, կտեսնեք, որ այդ մուլտիկի հենց տակի մասում գրված է հեղինակի անունը` նրա հեղինակային իրավունքները պահպանելու համար: Եվ այդ անունն է Գեդրե Դոմզաիտե (Giedre Domzaite) 
Նա ծնվել է Լիտվայի մայրաքաղաք Վիլնյուսում, որտեղ ուսումնասիրել է դիզայն և ավարտել է Վիլնյուսի Գեղեցիկ Արվեստների Ակադեմիան 2004 թ-ին: 
Ապրել է Լոնդոնում: “Այդ քաղաքը և ստեղծագործական էներգիան, որ կա այնտեղ գերել էին ինձ: Արվեստի արտահայտման այն ամբողջ բազմազանությունը, որ կա այդ քաղաքում ներշնչում էին ինձ, հենց իմ խառնվածքին համապատասխան տրամադրում էին ինձ ստեղծագործելու: Ավտոբուսներում նիրհող ծերունիները, գծավոր հագուստով ճանապարհային աշխատողները, կառնավալային կոստյումներով զբոսնողների վայրի աչքերը, այդ բոլորը Լոնդոնի խենթ միջավայրի մի մասն են, և դուք կարող եք տեսնել նրանց իմ անիմացիաներում” – պատմում է նա իր մասին իր պաշտոնական կայքում: 
Ներկայումս նա աշխատում է Mainframe-ում, մի ստեղծագործական ընկերություն, որը մասնագիտացել է գովազդի համար շարժական գրաֆիկայի (motion graphics) և անիմացիաների ստեղծման մեջ: “Աշխատանքը Mainframe-ում ինձ հնարավորություն է տալիս ստեղծել ոչ միայն բազմազան կերպարներ, այլ նաև կենդանացնել նրանց 3D տեխնոլոգիաների միջոցով”,- ասում է նա: Նրա գործերը կարող եք տեսնել նաև շվեդական Nuagency ընկերության կայքում: Նա ձգտում է յուրաքանչյուր նախագծին մոտենալ որպես յուրահատուկ և անկրկնելի մի գործի, փորձելով զարգացնել դրանցից յուրաքանչյուրում իրեն բնորոշ զգացմունքներ և ոճ: Այս ձևով նա ամեն անգամ նորություններ է բացահայտում իր ներաշխարհում:
3 users responded to this post
Արա ջան մետրոյում եթե ուշադիր զննեք Օրանժի գովազդները, կտեսնեք որ այնտեղ չկա գրված նկարների հեղինակի անունը: Ես սա տեսել եմ դրսում, ճանապարհների երկայնքով կախված վահանակների վրա: Օրանժը երբ Հայաստան էր մտնում, իհարկե մտել եմ իրենց կայք, ուղղակի քանի որ այն ժամանակ դեռ իմ բլոգը չունեի և չէի հետաքրքրվում նման հարցերով, ուստի իսկապես ուշադրություն չեմ դարձրել նկարների հեղինակի ունունին:
Իսկ ինչ վերաբերում է կերպարներին, ասեմ որ միգուցե այս ոճը լայնորեն տարածված է աշխարհում, բայց կոնկրետ այդ կերպարներին նկարել է Գեդրեն, ուստի դրա համար էլ նրանց հեղինակը հենց նա է: Այ եթե դուք այցելեք նրա պաշտոնական կայք, որի հղումը ես նշել եմ հոդվածի մեջ, այնտեղ կտեսնեք նրա բոլոր գործերը 
Միգուցե ես սխալվեմ, բայց իմ պատկերացմամբ չի կարող կերպարի հեղինակ համարվել նա ով չի ստեղծել/հորինել կերպարը, ես կասեի որ նա նկարազարդել է արդեն գոյություն ունեցող կերպարին և ոճը և ի վերջո կարծում եմ, որ այս դեպքում Գեդրեն ոչթե կերպարի ու ոճի հեղինակն է այլ նկարազարդման կատարման հեղինակը:
Իմ` որպես նկարազարդող, այս երկու բառերի միջև մեծ տարբերություն կա:
Ի դեպ, կրկին եթե չեմ սխալվում, այստիպի կերպարների օգտագործումը Օռանջը իրականցնում է տարբեր հեղինակների միջոցով, միայն Գեդրեի նկարազարդումները չեն:
նաել եմ իր կայքը, հավանում եմ իրա մոտեցումը գործին:
Ուրախ եմ որ նման երկխոսություն կա, ձեզ շնորհակալություն դրա համար
1 Pingback & Trackback On This Post
Թողնել մեկնաբանություն
Օգտակար հղումներ
Կարդացողներ
Credits
Powered by WordPress
Design by Armenian Bloggers Community
Subscribe to entries
Subscribe to comments
All content © 2012 by Հայկ Մելքոնյանի բլոգը
Դուք հավանաբար ուշադիր չեիք, եթե պատկերազարդումների հեղինակին գտել եք գով. վահանակի վրա գրված նշումով (հավանաբար մետրում փակցված վահանակից, քանի որ այտեղ առավել աչկի ընկնող է և մետրոում ունենում ես լիքը ժամանակ մանրամասն զննելու գովազդը):
Օռանջը երբ բարևում էր հայաստանին, վահանակներին գրված էր կայքհասցեն, որը միակ միջոցներ առաջիկա բաժանանորդագրման, հետևաբար ենթադրում եմ, որ դուք այդ ժամանակաշրջանում անպայման այցելած կլինեիք կայքը, եթե այո ապա ասեմ, որ հենց կայքի առաջի էջում կար մի պատկերազարդում և հեղինակի անունը նշված կար այնտեղ, հիմա ես աղոտ եմ հիշում բայց ոնցոր թե հենց Գեդրեի անուններ:
Ավելացնեմ որ այս կերպարները համարել Գեդրեի հեղինակաին կերպար իմ տեսակետից սխալ է քանիոր այս կերպարները ծնվել են Ճապոնիաում և տենդենց են դարձել շատ վաղուց կարելաի նույնիսկ ասել, որ իրանք հնացել են արդեն, բայց լինելով շատ բարի և ուրախ կերպարներ դեռ ապրում են առավել ևս զարգացող և նորություններ իմպոռտ անող երկրում ոնց որ մերն է: