Հայկ Մելքոնյանի բլոգը

Նոր աշխատանքի հնարավորություն նրանց համար, ով սիրում է վաճառել

Հայկ Մելքոնյան — Sun, 17 Apr 2011 22:20:43 +0000

Հարգելի ընկերներ, տեսնելով թե որքան դժվարությունների են հանդիպում մեր երիտասարդները աշխատանք փնտրելիս և փորձելով օգնել նրանց հաջողության հասնելու և կայուն ու եկամտաբեր աշխատանք գտնելու գործում, առաջարկում եմ ձեզ կարդալ այս նամակը և եթե կհետաքրքրի, կապվել ինձ հետ:

Ես աշխատում եմ «ՌՈՍԳՈՍՍՏՐԱԽ-ԱՐՄԵՆԻԱ» ապահովագրական ընկերությունում` որպես գործակալական խմբի ղեկավար:

Ընկերության մասին.

«ՌՈՍԳՈՍՍՏՐԱԽ-ԱՐՄԵՆԻԱ» ԱՓԲԸ հիմնադրվել է «ՌՈՍԳՈՍՍՏՐԱԽ» ընկերության կողմից՝ ԱՊՀ երկրներ մուտք գործելու ռազմավարության շրջանակներում: Ընկերությունը մտնում է ՌՈՍԳՈՍՍՏՐԱԽ Ընկերությունների Խմբի (Ռուսաստան) մեջ:

Մեր ընկերությունը 2010թ-ին Հայաստանում Ավտոքաղաքացիական Պատասխանատվության Պարտադիր Ապահովագրության (կարճ` ԱՊՊԱ) համակարգի ներդրման պահից ի վեր կնքել է 120 հազ. ԱՊՊԱ պայմանագիր կամ ընդհանուր շուկայի 36 տոկոսը, և հանդիսանում է պարտադիր ավտոապահովագրության շուկայի առաջատարը:

Այժմ մեր ընկերությունը իր առջև խնդիր է դրել ընդլայնել իր հաճախորդների սպասարկման ցանցը և մեր քաղաքացիներին առաջարկել որակյալ ապահովագրական ծառայություների առավել մեծ ընտրանի:

Այս նպատակների իրականացման համար մենք հայտարարել ենք ապահովագրական գործակալների հավաքագրում, որոնք զբաղվելու են «ՌՈՍԳՈՍՍՏՐԱԽ-ԱՐՄԵՆԻԱ» ընկերության ապահովագրական ծառայությունների վաճառքով և հաճախորդների սպասարկմամբ:

Պրոֆեսիոնալ հմտություններ

Աշխատանքային փորձ վաճառքի կամ սպասարկման ոլորտում (ցանկալի է)
Հաղորդակցվելու հմտություն
Ակտիվություն և նախաձեռնելու կարողություն
Նպատակասլացություն և պատասխանատվության զգացում

Աշխատավարձ Պայմանագրային

Սեռ էական չէ

Աշխատանքային ժամեր ճկուն գրաֆիկով

Պարտականություններ

Հաճախորդների որոնում և սեփական բազայի ձևավորում
Ապահովագրական պայմանագրերի կնքում
Հաճախորդներին ապահովագրության վերաբերյալ խորհրդատվության տրամադրում
Ապահովագրական պայմանագրերի վերակնքման գործընթացի իրականացում և վերահսկում

Անհրաժեշտ փաստաթղթեր Ինքնակենսագրությունն ուղարկել հետևյալ էլ. փոստին`

haykmelkonyan@gmail.com: Խնդրում եմ նամակի անվանման դաշտում (Subject) նշել «Ապահովագրական գործակալ»:
Նախնական ընտրություն անցած թեկնածուները կհրավիրվեն հարցազրույցի:

Այլ պայմաններ Մեր գործակալները հնարավորություն են ստանում մասնակցել «ՌՈՍԳՈՍՍՏՐԱԽ-ԱՐՄԵՆԻԱ» ընկերության կորպորատիվ դասընթացներին` ապահովագրության ոլորտի մասին իրենց գիտելիքները լրացնելու և վաճառքի հմտությունները կատարելագործելու նպատակով:

Նրանք ունեն ճկուն աշխատանքային գրաֆիկ, և նպատակասլաց աշխատանքի արդյունքում ձևավորելով իրենց մշտական հաճախորդների բազան, կարող են ձեռք բերել կայուն եկամտի աղբյուր իրենց համար:

Եթե դուք ապրում եք հասարակական ակտիվ կյանքով, սիրում եք շփվել ամենատարբեր մարդկանց հետ, աշխատասեր եք և նպատակասլաց, ապա գործակալի աշխատանքը «ՌՈՍԳՈՍՍՏՐԱԽ-ԱՐՄԵՆԻԱ» ապահովագրական ընկերությունում կտա ձեզ հնարավորություն հասնելու լուրջ հաջողությունների:

Հարգանքով` Հայկ Մելքոնյան

«ՌՈՍԳՈՍՍՏՐԱԽ-ԱՐՄԵՆԻԱ» ԱՓԲԸ

Գործակալական խմբի ղեկավար

Հեռ.` (94) 87-13-73

Էլ. Փոստ` haykmelkonyan@gmail.com

ՏԱՐԱԾԵԼ >>>

Բանականության քարտեզ – նոր գործիք ինքներս մեզ հասկանալու համար

Հայկ Մելքոնյան — Sun, 20 Feb 2011 19:10:02 +0000

Առաջին անգամ երբ լսեցի այս քարտեզի մասին, ինձ թվաց թե ամբողջ կյանքումս դա օգտագործել եմ, բայց երբեք չեմ կարողացել հստակ սահմանել թե ինչ է այն իրենից ներկայացնում: Միշտ էլ որևէ մի գաղափար մտքումս ծանրութեթև անելիս փորձել եմ գտնել այլ երևույթներ, գաղափարներ ու քայլեր, որոնք կապված կլինեն այդ նոր գաղափարի հետ ու փորձել եմ մտովի պատկերել այդ կապերը:

Ու վերջերս հայտնաբերեցի, որ այդ մեթոդը արտասահմանում բավականին տարածում ունի արդեն: Բանականության քարտեզ` անգլ. Mind Map կոչվածը բավական արդյունավետ և հետաքրքիր գործիք է որ կարելի է կիրառել նոր նախագծեր պլանավորելիս, նոր գաղափարներ զարգացնելիս և ընդհանրապես ինքնավերլուծության ժամանակ: Այս տերմինի հեղինակն է հայտնի հոգեբան Թոնի Բյուզենը (Նրա ընկերության պաշտոնական կայքը):

Այս քարտեզը գիտական գրականության մեջ ավելի շատ հանդիպում է “Կապերի դիագրամա” անունով:

Այն ունի ծառանման տեսք, որի ճյուղերի վրա պատկերված են բառեր, գաղափարներ, խնդիրներ կամ այլ հասկացություներ: Այս քարտեզը ցույց է տալիս հնարավոր ասոցիացիաների անսահման բազմազանությունը և, հետևաբար, ուղեղի անսպառ հնարավորությունները: Գրառումների նման ձևը թույլ է տալիս քարտեզին անսահմանորեն աճել և համալրվել: Բանականության քարտեզները կիրառվում են գաղափարների ստեղծման, պատկերավոր արտահայտման, կանոնակարգման և դասակարգման համար, ինչպես նաև որպես ուսուցման, նախագծերի կազմակերպման, խնդիրների լուծման, որոշումների կայացման, հոդվածներ գրելու համար:

Այս քարտեզի կառուցման տարբեր մեթոդներ դեռ 1970-ականներին կիրառվել են Ճապոնիայում, երբ նրանց տնտեսության մեջ հեղափոխական առաջընթաց արձանագրվեց:

Կիրառման հիմնական ոլորտներն են.

կրթություն
դասախոսությունների կոնսպեկտավորում
որոշակի թեմայով նյութերի նախապատրաստում
ստեղծագործական խնդիրների լուծում
ուղեղային գրոհ
տարբեր բարդության նախագծերի մշակում և պլանավորում
կատարվելիք գործերի ցուցակի կազմում
թրենինգների իրականացում
ինտելեկտուալ կարողությունների զարգացում
անձնական խնդիրների լուծում

Բանականության քարտեզների կառուցման կանոնները

Որքան մեծ թուղթ վերցնեք, այնքան լավ: Նվազագույնը` A4 ֆորմատի
Տեղադրեք թուղթը հորիզոնական մակերեսի վրա
Թղթի կենտրոնում պատկերվում է խնդրի/գաղափարի/նախագծի պատկերը
Կենտրոնից դեպի կողքերն են տարածվում հիմնական հաստ ճյուղերը, որոնք նշանակում են քարտեզի հիմնական բաժինները: Հիմնական ճյուղերը հետո բաժանվում են ավելի բարակ ճյուղերի
Բոլոր ճյուղերի վրա գրվում են բանալի բառեր, որոնք խորհրդանշում են այս կամ այն հասկացությունը
Ցանկալի է կիրառել որքան հնարավոր է բազմազան դեկորացիաներ` տառաչափ, գույն, ծավալ, սլաքներ, նշաններ
Կարևոր է գտնել քարտեզը գծելու ձեր անձնական ոճը

Դե պատկերացրեք ինչ հնարավորություններ է ձեր առջև բացում այս տեխնիկայի կիրառումը: Ես համենայն դեպս արդեն սկսել եմ կիրառել այն իմ ամենօրյա աշխատանքում օրվա, շաբաթվա և ընթացիկ ամսվա կատարվելիք գործողությունները պլանավորելիս, և ասեմ, բավական հստակ պատկեր է ստացվում:

Կան բազմաթիվ անվճար ծրագրեր Համացանցում, որոնք հատուկ մշակված են բանականության քարտեզների կառուցման համար: Կարող եք ինքներդ էլ փորձել, գտնել այն մեկը որ ավելի հարմար կլինի ձեր պահանջներին և կիրառել գործնականում: Չնայած սկզբնական շրջանում թուղթն ու գրիչն էլ բավական կլինի:

Ցանկացած ոլորտում` լինի դա տանը, աշխատանքում, թե պարզապես ժամանցի համար կարելի է կազմել բանականության քարտեզներ, և երբ կստանաք ավարտուն քարտեզը, ձեր առջև կբացվի մի նոր աշխարհ, մի նոր մայրցամաք, որ հետազոտության, վերլուծության և կյանքում կիրառելու դեպքում մեծ հաջողությունների կհասնեք: Ինչն էլ մաղթում եմ բոլորիդ:

Առողջ եղեք:

ՏԱՐԱԾԵԼ >>>

Ինչպես ենք մենք խոսում հեռախոսով

Հայկ Մելքոնյան — Sat, 02 Oct 2010 07:38:23 +0000

Բարև հարգելի ընթերցողներ: Մի հարց. օրվա ընթացքում որքան ժամանակ եք խոսում հեռախոսով? Հաշվել եք երբևէ? Մենք հեռախոսով խոսում ենք մեր հարազատների, ծանոթների, հաճախորդների և մեզ ծառայություններ մատուցող ընկերությունների հետ: Եվ դրանցից յուրաքանչյուր դեպքում մենք ցանկանում ենք ինչ-որ բան հաղորդել մարդկանց, համոզել, հետաքրքրել, մոտիվացնել և այլն: Բազմաթիվ նպատակներ կարող է ունենալ հեռախոսազանգը: Եվ կախված նրանից, թե մենք ինչպես ենք խոսում հեռախոսով, մեծապես կախված է թե ինչ արդյունքի մենք կհասնենք: Նախկին գրառումներից մեկում (Ստիպեք ձեր հեռախոսին ձեզ եկամուտ բերել)ես անդրադարձել եմ կոնկրետ վաճառքի նպատակով զանգերին, իսկ այժմ կուզենայի առավել ընդհանուր խոսել այդ թեմայով: Ահա մի քանի յուրահատկություններ, որոնք բնորոշ են մարդկանց միջև կոնտակտի այս ձևին.

Հեռախոսով զրույցի յուրահատկությունները.

Հնարավոր չէ դիտարկել միմիկան, շարժումները, հայացքը: Հնարավոր չէ ամրապնդել կամ թուլացնել ասածի ազդեցությունը ոչ խոսակցական միջոցներով (շարժումներ/միմիկա/նստելադիրք)
Տեսողական կոնտակտի բացակայություն: Դուք չեք տեսնում թե ինչ իրավիճակում է գտնվում ձեր զրուցակիցը
Հնարավոր չէ ամրապնդել ասածը նյութական ապացույցներով, ինչը անհնար է դարձնում զրույցը բարդ հասկացությունների և պրոցեսների մասին: Հնարավոր չէ ցույց տալ, տալ շոշափելու, ձեռքում բռնելու, զգալու, հոտ քաշելու, համը փորձելու
Հեռավորության շնորհիվ զրուցակցին առավել հեշտ է “ոչ” ասելը, անհիմն պատճառներ մտածելը, խաբելը
Առավել հաճախ, քան անձնական զրույցի դեպքում, ծագում են անճշտություններ և ինֆորմացիայի սխալ մեկնաբանություններ
Լավ տպավորություն դուք կարող եք թողնել միայն նրանով, թե ինչ և ինչպես եք դուք խոսում

Ինչպես տեսնում եք բավական դժվար է հասնել մեր ուզածին, երբ հնարավորությունները սահմանափակ են և միայն մեր ձայնն ու ասված բառերն են որոշիչը:

Այնպես որ լավ նախապատրաստվեք հեռախոսազրույցներին, եթե չեք ուզում ծախսել ձեր ժամանակը աննպատակ խոսակցության վրա:

ՏԱՐԱԾԵԼ >>>

Վաճառողի 10 ամենակարևոր հատկանիշերը

Հայկ Մելքոնյան — Thu, 30 Sep 2010 11:24:35 +0000

Վաճառում են բոլորը: Վաճառում են ամեն ինչ: Կյանքը տեղով առքուվաճառք է: Մենք վաճառում ենք մեր գաղափարները, իրերը, գույքը, մենք մեզ, ծառայությունները, ապրանքները: Ամեն ինչ:

Եվ կախված նրանից, թե ինչպես ենք մենք կարողանում վաճառել, մեծապես կախված է հաջողությունը մեր կյանքում: Երբևէ մտածել եք, թե արդյոք դուք լավ վաճառող եք? Փորձել եք զարգացնել ձեր մեջ այն հմտությունները, որոնք կօգնեն ձեզ ասենք վաճառել ձեր գիտելիքները, մտավոր ու ֆիզիկական ունակությունները, որպեսզի դրա դիմաց ստանաք մեծ եկամուտ ու բավարարեք ձեր պահանջմունքները?

Չէ? Բայց արժեր… Ես փորձեցի առանձնացնել այն անձնական հատկանիշերը, որոնք կօգնեին ինձ ու ձեզ առավել հաջողակ վաճառող դառնալու կյանքում: Նայեք, ու փորձեք 5 բալանոց համակարգով գնահատել ձեր մոտ այս կամ այն հատկանիշի առկայությունը: Ըստ դրա արդեն պարզ կդառնա, թե որոնք են ձեր ուժեղ կողմերը, որ հատկանիշերին արժե առավել մեծ ուշադրություն դարձնել ու զարգացնել:

1	Արտաքին տեսքը	1	2	3	4	5
2	Կարգապահություն	1	2	3	4	5
3	Քաղաքավարություն, էթիկա	1	2	3	4	5
4	Ազնվություն	1	2	3	4	5
5	Ապրանքի իմացություն (այն ինչ վաճառում ենք)	1	2	3	4	5
6	Տեղեկացվածություն	1	2	3	4	5
7	Ստրեսակայունություն/համբերատարություն	1	2	3	4	5
8	Շփվող	1	2	3	4	5
9	Պատասխանատու	1	2	3	4	5
10	Համոզիչ	1	2	3	4	5

ՏԱՐԱԾԵԼ >>>

PR vs ԳՈՎԱԶԴ (հրավիրում ենք քննարկման)

Հայկ Մելքոնյան — Wed, 28 Jul 2010 19:25:13 +0000

Իսկ արդյոք դա այդպես է? Հնարավոր է արդյոք ընդհարման տանել իրար այդքան մոտ հասկացությունները և հակադրել դրանք միմյանց? Մասնագետների շրջանում նկատվում են հակադիր կարծիքներ և դժվար է կողմնորոշվել, թե վերջիվերջո ով է ում հակադրվում` գովազդը PR-ին, թե PR-ը գովազդին: Եվ արդյոք հնարավոր է բաժանել այն, ինչը համերաշխորեն գոյատևում է մեր պրակտիկայում?

Շատերը այս երկու հասկացությունները համարում են “մի գետի երկու ափեր”: Գովազդը և PR-ը մեկ կոմունիկացիոն ռազմավարության բաղկացուցիչ մասերն են: Տարբերությունը միայն նրանց նպատակներն են: Գովազդը ուղղված է վաճառքների ապահովմանն ու գնումների հաճախականության մեծացմանը, իսկ PR-ը ձևավորում է հեղինակություն, որը օգնում է վաճառել ապրանքը սպառողներին: Պետք չէ հակադրել գովազդը PR-ին: Իսկ գլխավոր կանոնը նրանց միջև ընտրություն կատարելիս, ուղղակի բալանսի պահպանումն է:

Բայց ինչպես երբեմն տեսնում ենք, շատ հաճախ գովազդը և PR-ը հակադրվում են ընկերությունների ներսում, ղեկավարները սկսում են գնահատել, թե որը տվյալ պահին օգտագործեն իրենց կոմունիկացիոն նպատակների համար: Սկսվում է պայքար սահմանափակ բյուջեի և ընկերության ներսում ազդեցության մեծացման համար:

ՏԱՐԱԾԵԼ >>>

Երբ կովերն իրենք են կարագ պատրաստում

Հայկ Մելքոնյան — Wed, 28 Jul 2010 09:28:27 +0000

Քանի որ բոլգումս անդրադառնում եմ բիզնեսի ամենատարբեր ոլորտներին, այս անգամ էլ մի հետաքրիր նյութ եմ գտել կաթնարտադրության ոլորտի մասին, ու կուզենայի ներկայացնել ձեզ, որ համեմատեք արտասահմանյան փորձը Հայաստանի ընկերությունների մարկետինգային քաղաքականության հետ:

Այսօր ուզում եմ պատմել ձեզ համաշխարհային հայտնի բրենդ Anchor -ի մասին:

Anchor կաթնամթերքի ապրանքանիշը ստեղծվել է Նոր Զելանդիայում 1886 թ-ին և Fonterra Co−operative Group միջազգային արտահանող ընկերության հիմնական ապրանքանիշերից մեկն է:

Ամբողջ աշխարհում այս բրենդը ճանաչում ունի շնորհիվ իր որակյալ արտադրանքի, գրագետ և ճիշտ թիրախին ուղղված գովազդարշավների:

Եվ այս տարվա մայիս ամսին CHI&Partners լոնդոնյան գովազդային գործակալությունը գործարկեց Anchor ապրանքանիշի նոր գովազդարշավը, որում հիմնական շեշտը դրվում էր ապրանքի առավելագույն բնական լինելու վրա: Իսկ այդ գաղափարի առաջխաղացման համար գովազդային հոլովակներում և պաստառների վրա ցուցադրվում է, թե ինչպես են կովերը ինքնուրույնաբար աշխատում գործարանում և արտադրում կարագ առանց մարդկանց մասնակցության: Ռետրո ոճով ստեղծված այս գովազդային պաստառներին սկզբունքորեն ոչ մի նոր բան չի ավելացվել, ուղղակի հերթական անգամ շեշտը դրվում է արտադրանքի բնականության և բրենդի պատմության վրա:

Իսկ այժ նայեք, թե ինչ հետաքրքիր ձևով են նրանք այդ ամենը ներկայացնում.

Anchor կաթնամթերքը արտադրում են հենց իրենք` կովերը

ՏԱՐԱԾԵԼ >>>

Ստեղծվել է iPhone-ից օգտվողների հավաքական կերպարը

Հայկ Մելքոնյան — Fri, 23 Jul 2010 18:02:11 +0000

iPhone 3GS հեռախոսի ընդհանուր տեսքը, շնորհանդեսը տեղի է ունեցել 2009-ի հունիսի 19-ին

Yankee Group ընկերության նորագույն հետազոտության արդյունքները թույլ են տվել կազմել iPhone բջջային հեռախոսի օգտագործողների հավաքական կերպարը:

Ինչպես ցույց են տվել հետազոտության արդյունքները, iPhone օգտագործողների միջին տարիքը 32 տարեկան է, իսկ ընտանեկան եկամտի մեծությունը` $100 000: Համեմատության համար նշենք, որ սմարթֆոններ օգտագործողների տարիքը միջինում 2 տարով ավել է, իսկ նրանց եկամուտները $15 000-ով պակաս են:

iPhone օգտագործողներին հեռախոսը պետք է գալիս ոչ միայն զանգերի, զրույցների համար, այլ ավելի բարդ ֆունկցիաների համար: Yankee Group-ի տվյալների համաձայն iPhone-ի միջին վիճակագրական օգտագործողը օրական 37 րոպե է անցկացնում Ինտերնետում, ինչը մի քիչ է ավել սմարթֆոններից օգտվողների ժամանակից (32 րոպե) և մոտավորապես 2 անգամ ավել է սովորական բջջային հեռախոսներից օգտվողների ժամանակից: Զարմանալի չէ, որ iPhone-ից օգտվողները առավել հաճախ են օգտագործում հեռախոսի ծրագրային հավելումները (iPhone Applications)` ներբեռնելով (download) դրանք մոտավորապես 13 հատ եռամսյակի ընթացքում, ինչը մոտ 2 անգամ գերազանցում է մնացած բոլոր բջջայինից օգտվողների տվյալները:

iPhone 4g բջջային հեռախոս, շնորհանդեսը տեղի է ունեցել 2010թ. հունիսի 8-ին

Հետաքրքրական է iPhone օգտագործողների հակվածությունը տարբեր տեսակի դրամական փոխանցումներ կատարելուն հեռախոսի միջոցով` ինտերնետ-խանութներում ապրանքների/ծառայությունների գնման դիմաց վճարելու համար: Այս բոլոր տվյալներից կարելի է ենթադրել, որ Apple-ի այս հեռախոսների տերերը ոսկե երակ են ծրագրային հավելումներ ստեղծողների և բջջային կապի օպերատորների համար: Դա հաստատվում է և գործնականում` վերջին մամլո ասուլիսներից մեկի ժամանակ Apple-ի ներկայացուցիչները հայտարարել են, որ 60 միլիոն մարդ է այցելել իրենց վիրտուալ խանութը` կատարելով $2,7 միլիարդ դոլար ընդհանուր գումարի գնումներ:

ՏԱՐԱԾԵԼ >>>

Գտնվել է Orange-ի գովազդի կերպարների հեղինակը!!!

Հայկ Մելքոնյան — Mon, 19 Jul 2010 19:49:03 +0000

Ամեն օր երկար քայլում եմ քաղաքում կամ մեքենայով տարբեր ընկերություններ գնում: Ու ամեն օր տեսնում եմ այն գովազդային վահանակները, ուր Orange-ի գովազդներն են տեղադրավծ: Երևի բոլորդ էլ տեսած կլինեք այս կարգախոսը` “ամեն ինչ փոխադարձ է” ու այն անիմացիոն կերպարներին, որ կան այդ վահանակի վրա: Մի ժպտերես աղջիկ ցնցուղով ջրում է մի ուրիշ ժպտերես փոքրիկի: Հետաքրքիր կերպարներ են, չէ? Ու ոչ միայն այդ գովազդում են նրանք երևում, այլ Orange-ի բազմաթիվ այլ գովազդային նյութերում: Ու ամեն անգամ ինձ հետաքրքրում էր, թե ով է այդ կերպարների հեղինակը? Որքան էլ փորձում էի հետաքրքրվել, համացանցով գտնել, չէր ստացվում: Ու վերջերս գտա մի հուշում, որ ինձ օգնեց գտնել այդ մարդուն: Orange-ի վահանակներին հեռվից նայելուց դա իհարկե չի զգացվում, քանի որ շատ փոքր է գրված, բայց եթե հենց անմիջապես վահանակի տակ կանգնեք ու նայեք, կտեսնեք, որ այդ մուլտիկի հենց տակի մասում գրված է հեղինակի անունը` նրա հեղինակային իրավունքները պահպանելու համար: Եվ այդ անունն է Գեդրե Դոմզաիտե (Giedre Domzaite) Նա ծնվել է Լիտվայի մայրաքաղաք Վիլնյուսում, որտեղ ուսումնասիրել է դիզայն և ավարտել է Վիլնյուսի Գեղեցիկ Արվեստների Ակադեմիան 2004 թ-ին: Ապրել է Լոնդոնում: “Այդ քաղաքը և ստեղծագործական էներգիան, որ կա այնտեղ գերել էին ինձ: Արվեստի արտահայտման այն ամբողջ բազմազանությունը, որ կա այդ քաղաքում ներշնչում էին ինձ, հենց իմ խառնվածքին համապատասխան տրամադրում էին ինձ ստեղծագործելու: Ավտոբուսներում նիրհող ծերունիները, գծավոր հագուստով ճանապարհային աշխատողները, կառնավալային կոստյումներով զբոսնողների վայրի աչքերը, այդ բոլորը Լոնդոնի խենթ միջավայրի մի մասն են, և դուք կարող եք տեսնել նրանց իմ անիմացիաներում” – պատմում է նա իր մասին իր պաշտոնական կայքում: Ներկայումս նա աշխատում է Mainframe-ում, մի ստեղծագործական ընկերություն, որը մասնագիտացել է գովազդի համար շարժական գրաֆիկայի (motion graphics) և անիմացիաների ստեղծման մեջ: “Աշխատանքը Mainframe-ում ինձ հնարավորություն է տալիս ստեղծել ոչ միայն բազմազան կերպարներ, այլ նաև կենդանացնել նրանց 3D տեխնոլոգիաների միջոցով”,- ասում է նա: Նրա գործերը կարող եք տեսնել նաև շվեդական Nuagency ընկերության կայքում: Նա ձգտում է յուրաքանչյուր նախագծին մոտենալ որպես յուրահատուկ և անկրկնելի մի գործի, փորձելով զարգացնել դրանցից յուրաքանչյուրում իրեն բնորոշ զգացմունքներ և ոճ: Այս ձևով նա ամեն անգամ նորություններ է բացահայտում իր ներաշխարհում:

ՏԱՐԱԾԵԼ >>>

Պետք էր գնալ Specsavers…

Հայկ Մելքոնյան — Sat, 17 Jul 2010 09:17:45 +0000

Բարև հայեր և հայերեն իմացող այլ ազգերի ներկայացուցիչներ ջան: Ինչու եմ նշում նաև այլ ազգերին նույնպես, քանի որ այս անգամ պատմելու եմ մի ընկերության մասին, որը Հայաստանում գործունեություն չի ծավալում, բայց Եվրոպայում մարդ չկա, որ իրենց չիմանա երևի:

Խոսքս Specsavers օպտիկական ակնոցների և լինզաների խանութների ցանցի մասին է, որը ամենախոշորն է Մեծ Բրիտանիայում և Իռլանդիայում (վերահսկում է շուկայի մինչև 70%-ը), և խոշորագույններից մեկն է ամբողջ Եվրոպայում:

Ընկերությունն ունի մոտ 26 000 աշխատող իր 1390 խանութներում, որոնք տեղակայված են Մեծ Բրիտանիայում, Իսպանիայում, Իռլանդիայում, Նորվեգիայում, Շվեդիայում, Ֆինալանդիայում, Դանիայում, Նիդեռլանդներում, Ավստրալիայում, ինչպես նաև Նոր Զելանդիայում:

Մի փոքր նրանց պատմությունից պատմեմ, և անցնենք նրանց գովազդների քննարկմանը: Specsavers-ը ստեղծվել է որպես օպտիկայի և լինզաների մանրածախ ցանց մարդ ու կին Դուգ և Մերի Պերկինսների կողմից 1984թ-ին: 2007-ին ընկերությունն արդեն ուներ 1390 խանութ և 26000 աշխատակից: 2002-ից ընկերությունը սկսեց վաճառել նաև լսողական ապարատներ: Նա վերահսկում է Մեծ Բրիտանիայում և Իռլանդիայում օպտիկայի առևտրի գործարքների ավելի քան 39%-ը, դա ավելին է քան նրա մրցակիցներից յուրաքանչյուրինը:

2002-ին Specsavers-ը ավելի քան 20 մլն. բրիտանական ֆունտ ստերլինգ է ծախսել իր գովազդների վրա, որից 62%-ը միայն հեռուստագովազդի վրա: Specsavers-ը աջակցում է իր բոլոր խանութներին ամբողջ աշխարհում իր գովազդը տեղական ԶԼՄ-ներում տեղադրելու միջոցով՝ տպագիր մամուլի վրա ծախսելով իր ամբողջ գովազդային բյուջեի 16%-ը, իսկ տեղական ռադիոների վրա՝ 7%-ը:

2006-ին Specsavers-ը 27 մլն. ֆունտ էր արդեն ծախսում իր հեռուստագովազդի վրա, ինչի շնորհիվ 5-րդ տարին անընդմեջ ճանաչվեց օպտիկայի բնագավառում ամենահայտնի բրենդ Readers Digest ամսագրի կողմից (ամսագիրը հարցում էր արել եվրոպական 40 երկրների մարդկանց շրջանում):

Specsavers-ի երկարատև ու արդյունավետ գովազդային արշավի հիմքն էր “Should’ve gone to Specsavers” («Պետք էր գնալ Specsavers») կարգախոսը, որը օգտագործվում էր հեռուստագովազդում: Specsavers-ի կրեատիվ տնօրեն Գրեմ Դոլդրիի այս մտահղացումը դարձավ եվրոպական պոպ-մշակույթի մի մասնիկ և այսօր էլ հաճախ է օգտագործվում մարդկանց առօրյա խոսքի մեջ:

Իսկ այժմ նայեք նրանց մի քանի հեռուստագովազդները, տեսեք թե ինչ օրիգինալ ու հետաքրքիր իրավիճակներ են մարդիկ ստեղծում, ուր իսկապես կարող էին պետք գալ օպտիկական ակնոցները

Specsavers – The Specs Effect (Specs-эффект)

Պետք էր գնալ Specsavers

Надо было идти в Specsavers

ՏԱՐԱԾԵԼ >>>

Պաուլ ութոտնուկն ու Pepsi-ն

Հայկ Մելքոնյան — Tue, 13 Jul 2010 06:59:38 +0000

Ահա և ավարտվեց Ֆուտբոլի Աշխարհի Առաջնությունը: Բազմաթիվ անակնկալների հետ միասին, մենք պարզեցինք, որ որոշ կենդանիներ իսկապես օժտված են մարգարեական տաղանդով: Օրինակ հենց Պաուլ ութոտնուկը, որ ճիշտ էր գուշակել Գերմանիայի հավաքականի բոլոր խաղերի և առաջնության եզրափակչի արդյունքները:

Եվ ինչպես ամեն մի նոր հայտնություն, այս կերպարն էլ միանգամից շատ արագ սկսեց օգտագործվել մարկետոլոգների կողմից այս կամ այն ապրանքի գովազդում: Դրանցից մեկն էլ Pepsi ընկերությունն է, որի համար Impact BBDO գովազդային գործակալության Բեյրութի մասնաճյուղը շատ օպերատիվ ստեղծել է նոր վահանակ (պոստեր), որի վրա ութոտնուկն իր շոշափուկներով բռնել է Pepsi-ի շիշը: Ութոտանու անունը չի շեշտվում, բայց դե պարզ է, թե ում նրանք նկատի ունեն:

«ԱԿՆՀԱՅՏ ԸՆՏՐՈՒԹՅՈՒՆ» – գովազդում է վահանակը:

ՏԱՐԱԾԵԼ >>>